فرقة الراب الملتزمة

dimanche 9 janvier 2011

ما لم ينشره ويكيلكس بعد عن المغرب

ما لم ينشره ويكيلكس بعد عن المغرب:
   تمكن موقع بلافران من الحصول على بعض الوثائق ديال ويكيلكس عن المغرب لم يتم نشرها بعد، بفضل أحد العاملين في الموقع. 
1/عباس الفاسي: باغي الوزارة الأولى للمرة الثانة
في وثيقة ديال ويكيلكس لم يتم نشرها بعد، و بغاو إخلوها تا لوقتها عاد إطلقوها، أن عباس الفاسي يريد أن ولاية ثانية على رأس الحكومة، و كما جاء في هاد الوثيقة أنه في إجتماع سري للحكومة المغربية حضره تا وزير الداخلية أعلن صراحة عباس الفاسي الوزير الأول و مول حزب الإستقلال أنه يريد البقاء كوزير أول بعد الإنتخابات التشريعية ديال 2012، و ألح على ذلك كثيرا حيث أرجع سبب هاد الطلب دائما حسب الوثيقة التي لم تنشر، أنه يريد مواصلة العمل الذي بدأه من 2007 و كي تكون هناك إستمرارية في العمل، و أكد كذلك أنه طامع في حلفائه اللي كا يشاركوه في الحكومة باش ما يخويوش بيه و باش يقفوا معاه باش يقليو السم لشي بعضين، و جاء حسب الوثيقة نفسها أن عباس الفاسي وجد مساندين لهاد الفكرة من داخل الحكومة و سيتم تدارس هاد القضية باش إشوفو كي غا يديرو في الإنتخابات الجاية.

2/ العدالة و التنمية مستعد للمشاركة في الحكومة
حزب الإسلامي المحافظ العدالة و التنمية و في وثيقة أخرى عن ويكيلكس أنه في اجتماعاته الداخلية يناقش و بقوة في هذه الفترة إيمكانية مشاركته في حكومة 2012 حيث حسب الوثيقة، هناك تيار قوي داخل الحزب يحث قيادة هذا الأخير لدخول و المشاركة في الحكومة، و كا يقولو أنهم عياو من المعارضة و تا هما بغاو إجربوا شوية المناصب الوزارية و التسيير، كما كا يقولو أنه حان الوقت باش نكونوا فاعليين و نسدوا الطريق على اللي باغيين فينا الخدمة، و حسب الوثيقة نفسها فإن قيادة العدالة و التنمية ستخوض عدة إجتماعات لتدارس هاد القضية ديال المشاركة في الحكومة و هناك مؤشرات قوية باش تكون العدالة و التنمية في الحكومة الجاية، و كما تشير الوثيقة أن أحد القادة قال لهم غا نديرو صلاة الإستخارة و الله اللي فيها الخير إديرها الله
3/ حزب الأصالة و المعاصرة سيحل قبل 2012
الوثيقة الأخطر هي هادي حيث قاليك أن حزب الأصالة و المعاصرة ديال فؤاد على الهمة سيحل و ما غا يبقاش خدام قبل الإنتخابات الجاية، وذلك بقرار من وزارة الداخلية و راه القضية خدامة من دبا و كل الأطراف عن علم بهادشي، و لهذا السبب الهمة ما بقاش كا يبان في الساحة و راه مخبي و ما غا يبانش، و حسب نفس الوثيقة أن السبب الرئيسي اللي غا يكون كا سبب في حل الحزب هو وجود العديد من البرلمانيين اللي طالعين بالفلوس و كذلك بعض البرلمانيين من الحزب اللي متورطين في شبكات لتجارة المخدرات، و لكن السبب الحقيقي ماشي هو هذا و لكن كون هاد الحزب خرج عن سيطرة فؤاد على الهمة و مبقا كا يقدر إدير فيه والو، و أن القرارات ولا كيخرجها غير بعض القياديين اللي دارو تحالف قوي و دارو الصابونة لفؤاد على الهمة، و اللي تا هو دار لهم ضربة نوض و نضو غير بالفن.
نكتفي بهاد الوثائق لأنها هي الأهم، و ما تنساوش أن المقال منشور في زاوية تريكيل و راه هادشي كولو غير تريكيل

Aucun commentaire:

Enregistrer un commentaire